بخصوص السفر بسياره ايجار

عليكم السلام يبغالك تسأل المكتب اللي بتاخذ منه السيارة و تشوف افضل 

معظم المكاتب لا تسمح بالسفر الدولي
يالله يسمحون بالسفر من مدينه لمدينه
داخل البلد
واذا كان مسموح لهم شروط ... وظروف
لتطبيقها ...

روح شركات تاجير الكبيره ،، تطلع دولي ،،، احنا عندنا تفويض لدول الخليج عاد مدري عن دول العربيه

وعليكم السلام ورحمة الله وبركاته

تقدر تسافر بسيارة ايجار للأردن

لي زميل سابق سافر للأردن بكرولا لمدة شهر

مطلوب كفيل سعودي ويكون معك رخصة قيادة وما عندك مخالفات

نسيت أقول لك أنه أخذها من ذيب لتأجير السيارات في الدمام

الله يجزاكم خير ع الافاده ماقصرتم

الاردن اكثر شركات التأجير تمنع التفويض لها

التفويض يحتاج انه بدون مخالفات

دول الخليج مسموح

تدفع مبلغ للتفويض

اذا سفرتك شهر سو تفويض من اول يوم لشهر قدام

التفويض بتدفع فيه مرة وحده

شركة الوفاق تعطيك سعر جيد حسب حسابك معهم

مثلا انا اخذ تفويض مجاني او ب ٣٥ مرات

في ناس تدفع ١٠٠

بعض الشركات تفويضها ب ٥٠٠ ريال .

خذ ببالك شركات تعطيك كيلوات مفتوحة بعضها ٢٠٠ كم

في شركات تدفع ٥٠ ريال عن كل يوم للكيلوات المفتوحة هذه حلوه لك لو سفرتك قصيرة

زيادة على ذلك تواصل مع الشركات ذيب و الوفاق افضل الشركات بالسعر و المميزات ولا تنسى زور كل شركه او اتصل بهم افضل لك

الله يجزاك خير اخوي و انا سفرتي ١٥ يوم بالاكثير بس ماجربت الايجار بالسفر